ហានិភ័យធំៗចំនួន៦ របស់សហគ្រិន អាចនឹងកើតមានក្រៅពីការងារអាជីវកម្ម
១) ការចាប់ពង្រាត់ ឬ ធ្វើចំណាប់ខ្មាំងនៅ ក្នុងប្រទេសកម្ពុជាបញ្ហាចាប់ពង្រត់នេះគេសង្កេតឃើញថាកម្រកើត មានណាស់ចំពោះអ្នកជំនួញ ឬ បុគ្គលិកក្រុមហ៊ុនមួយចំនួន។ ដោយឡែកសម្រាប់ប្រទេសក្រីក្រឯទៀតដែលញាំញីដោយសង្គ្រាមស៊ីវិល ដូចជា នៅស៊ីរី យេមែន ម៉ាលីទ្វីបអាហ្វ្រិក ជាដើមសុទ្ធតែជាមុខសញ្ញាគ្រោះថ្នាក់មួយសម្រាប់អ្នកជំនួញ និង ក្រុមអ្នកបានប្រាក់ដែលធ្វើដំណើរទៅកាន់ទីនោះជាពិសេសតាម រូបភាពទេសចរជាដើម។ យ៉ាងណាមិញ ទោះបីជាលោកអ្នកស្ថិតនៅកន្លែងណាក៏ដោយដូចជាដំណើរកម្សាន្ត គួរតែមានការប្រុងប្រយ័ត្នពីបញ្ហានេះ មិនថាចំពោះលោកអ្នកផ្ទាល់ ឬ បុគ្គលិកនោះឡើយ ព្រោះថាករណីនេះអាចកើតមានគ្រប់រូបភាព គ្រប់ទីកន្លែងបានដែលអាចទាយទុកជាមុនបាន។
២) គ្រោះធម្មជាតិគ្រោះធម្មជាតិគឺជាឧបសគ្គដ៏ ធំមួយទៀតសម្រាប់សហគ្រិនទាំងឡាយក្រៅពីការងារអាជីវកម្មរបស់ខ្លួន ដែលត្រូវបានគេមើលឃើញថា នឹងអាចធ្វើឲ្យអាជីវកម្មរបស់លោកអ្នកលិចលង់ក្នុងមួយប៉ប្រិចភ្នែក។ ជាសំណាងល្អនៅក្នុងប្រទេសកម្ពុជា គ្រោះធម្មជាតិធំៗដូចជាគ្រោះទឹកជំនន់ ខ្យល់ព្យុះ បង្កឡើងតិចតួចបំផុត ហើយបើករណីរញ្ជួយដី និង រលកយក្សស៊ូណាមិវិញគឺគ្មានតែម្តង។ ប៉ុន្តែបើងាកទៅបណ្តាប្រទេសផ្សេងទៀតដូចជា ហ្វីលីពីន ជប៉ុន ឥណ្ឌូណេស៊ី ។ល។ បញ្ហាទាំងនេះកើតមានញឹកញាប់ណាស់ និង បង្កវិនាសកម្មធ្ងន់ធ្ងរទៀតផង។ ការពិតលោកអ្នកមិនអាចទប់ស្កាត់បញ្ហានេះបានឡើយ តែត្រូវប្រាកដថា លោកអ្នកបានត្រៀមខ្លួនទុកជាមុននូវប្រព័ន្ធការពារ សុវត្ថិភាពអគារ សម្ភារៈជំនួញដល់អាជីវកម្ម និង កម្មករឲ្យគ្រប់ជ្រុងជ្រោយ ជាពិសេសប័ណ្ណធានារ៉ាប់រង និងមានបណ្ដាញទំនាក់ទំនងជាមួយអាជ្ញាធរមានសមត្ថកិច្ចគ្រប់ កាលៈទេសៈតែម្តង។
៣) ក្រុមហ៊ុនរបស់លោកអ្នកផ្ទាំងស៊ីបនៃការប្តឹងផ្តល់ការ ប្តឹងផ្តល់អាចកើតមានចំពោះលោកអ្នកពីសំណាក់គូប្រជែងរបស់អ្នក អតិថិជន ឬ អាចពីបុគ្គលិករបស់អ្នកផ្ទាល់តែម្តង។ នេះជាអ្វីដែលលោកអ្នកមិនចង់ឮនោះឡើយ តែចង់ឬមិនចង់បើកើតមានហើយនោះ លោកអ្នកត្រូវតែដោះស្រាយជាបន្ទាន់។ ពួកគេអាចចោទប្រកាន់ថា អាជីវកម្មរបស់លោកអ្នកបានលួចចម្លងកម្មសិទ្ធិបញ្ហារបស់គេ បោកប្រាស់ កេងប្រវ័ញ្ច ឬ មានលក្ខណៈប្រកួតប្រជែងមិនស្មោះត្រង់ជាដើម។ វិធីសាស្ត្រដ៏ល្អ លោកអ្នកគួរជួលមេធាវីមកប្រឹក្សាយោបល់មុននឹងតតាំងក្តី និង អ្វីដែលសំខាន់ជាងនេះទៅទៀតនោះ គឺត្រូវបង្គាប់ឲ្យបុគ្គលិកនៅក្រុមហ៊ុនរក្សាភាពស្ងៀមស្ងាត់ជៀសវាង មានបញ្ហាលេចឮមិនល្អទៅខាងក្រៅដែលនាំឲ្យខាតបង់ប្រយោជន៍ដល់ កេរ្តិ៍ឈ្មោះក្រុមហ៊ុន។ ជម្រើសដ៏ល្អមួយទៀតដើម្បីជៀសវាងបញ្ហានេះ លោកអ្នកត្រូវបង្កើតគោលការណ៍រួមមួយនៅក្នុងក្រុមហ៊ុនឲ្យបាន ច្បាស់លាស់ ពោលគឺការបង្កើតកិច្ចសន្យាការងារដ៏ល្អមួយនេះឯងដើម្បីទុកធ្វើជា ភស្តុតាងនៅពេលមានវិវាទកើតឡើងរវាងលោកអ្នក និង បុគ្គលិករបស់លោកអ្នក។
៤) ក្រុមប្រដាប់អាវុធខុសច្បាប់ និង ចោរកម្មនេះ ជាបទល្មើសដ៏អាក្រក់មួយដែលលោកអ្នកមិនចង់ជួបប្រទះនោះឡើយ ព្រោះថា បើករណីនេះកើតមាននៅទីតាំងអគាររបស់លោកអ្នកហើយនោះ ការបាត់បង់ទ្រព្យសម្បតិ្តដ៏មានតម្លៃ ឬ អាយុជីវិតអាចនឹងកើតមានក៏ថាបាន ត្បិតអីអាជីវករជាច្រើនក៏ធ្លាប់ជួបបញ្ហានេះច្រើនដែរ។យ៉ាងណាមិញបើ ហេតុការណ៍នេះកើតមានមែននោះ សូមលោកអ្នករក្សាភាពស្ងៀមស្ងាត់ និង យល់ព្រមតាមសំណើរបស់ក្រុមប្រដាប់អាវុធទាំងនោះជាជាងបដិសេធន៍ រឹងទទឹងទៅកាន់ពួកគេ។ លើសពីនេះទៅទៀត បើលោកអ្នកអាចលាក់ខ្លួនបានគួរតែធ្វើទៅដើម្បីការពារអាយុជីវិត របស់លោកអ្នក។ ដំណោះស្រាយដ៏ល្អដើម្បីការពារកុំហេតុការណ៍នេះកើតមានក្នុង អាជីវកម្មរបស់លោកអ្នក លោកអ្នកត្រូវត្រៀមទុកជាមុននូវប្រព័ន្ធសុវត្ថិភាពមួយរឹងមាំនៅ ក្នុងក្រុមហ៊ុនដូចជា សញ្ញាប្រកាសអាសន្ន កាមេរ៉ាសុវត្ថិភាព និង ប្រព័ន្ធទំនាក់ទំនងទៅកាន់ស្ថាប័នប៉ូលិសជាដើម។
៥) រឿងអាស្រូវផ្លូវភេទថ្វីត្បិតតែបញ្ហានេះ កម្រកើតមាន តែក្រុមហ៊ុនមួយដែលមានរឿងអាស្រូវ ឬ បទល្មើសផ្លូវភេទកើតឡើងហើយនោះ រមែងជាទីរិះគន់ និងបាត់បង់ជំនឿជឿជាក់ពីសាធារណជន។ លោកអ្នក ឬ បុគ្គលិកណាមួយនៅក្នុងក្រុមហ៊ុនអាចប្រព្រឹត្តទង្វើមិនគប្បីនេះ តែក៏អាចមានការចោទប្រកាន់ទម្លាក់កំហុសមួយពីបុគ្គលិកនារីណា ម្នាក់នៅក្នុងក្រុមហ៊ុនដែលលោកអ្នកមិនអាចព្យាករណ៍បាន។ នេះជាបញ្ហាមួយព្រោះថា លោកអ្នកប្រហែលជាមិនបានរៀបចំទុកជាមុនដើម្បីទប់ទល់ទៅនឹងបញ្ហា នេះនោះឡើយ។ ការបង្កើតវប្បធម៌ដ៏មានតម្លៃមួយនៅក្នុងក្រុមហ៊ុនរវាងអ្នកដឹកនាំ និង បុគ្គលិកគ្រប់ជាន់ថ្នាក់ អាចផ្តល់ទំនុកចិត្តបញ្ចៀសបញ្ហានេះបាន។
៦) ប័ណ្ណធានារ៉ាប់រងបុគ្គលិកគ្រប់គ្នាយល់ឃើញ ថា ប័ណ្ណធានារ៉ាប់រង (Insurance) មានសារសំខាន់ខ្លាំងណាស់ តែអ្វីដែលជាបញ្ហានោះគឺថា តើក្រុមហ៊ុនរបស់លោកអ្នកមានប័ណ្ណធានារ៉ាប់រងហើយឬនៅ? សូមចាំថា បើលោកអ្នកចូលប្រឡូកក្នុងអាជីវកម្មកុំមើលរំលងចំណុចនេះឲ្យសោះ។ ប័ណ្ណធានារ៉ាប់រងនៅក្នុងក្រុមហ៊ុនគួរតែមានសម្រាប់ផ្តល់ជូនដល់ បុគ្គលិកគ្រប់រូប ព្រោះថាបើបុគ្គលិកណាមួយស្លាប់ ឬ ក្រុមហ៊ុនរបស់លោកអ្នកដួលរលំ នេះអាចជួយលោកអ្នកបាន។ ផ្ទុយទៅវិញលោកអ្នកអាចយល់ថា នេះនឹងអាចធ្វើឲ្យអាជីវកម្មរបស់អ្នកខាតបង់ តែបើលោកអ្នកផ្អឹបវាទុកមិនអើពើនោះ បុគ្គលិកក៏មិនសូវជាអើពើពីលោកអ្នកប៉ុន្មានដែរ។
តើលោកអ្នកមានផែនការយថាភាពហើយឬនៅ? ចំណុច នេះមានសារសំខាន់ណាស់ដែលសហគ្រិនគ្រប់រូបត្រូវមានផែនការយថាភាព (ផែនការត្រៀមទុកការពារហេតុការណ៍អាក្រក់ៗដែលអាចកើតមានឡើងដោយ យថាហេតុ) ជាមុនសម្រាប់ការពារប្រយោជន៍រួមដល់ក្រុមហ៊ុនទាំងមូល។ ដើម្បីបង្កើតផែនការនេះបាន លោកអ្នកត្រូវអនុវត្តចំណុច៣ខាងក្រោមនេះ៖
១) ដើរជុំវិញអគារក្រុមហ៊ុនរបស់អ្នក៖ អ្នកត្រូវប្រាកដថា សំណង់អគារ ឬ អ្វីដែលមាននៅទីតាំងក្រុមហ៊ុនរបស់លោកអ្នកត្រូវប្រាកដថា មានសុវត្ថិភាព និង ប្រហែលមិនប្រើពេល១០ ទៅ ២០ ឆ្នាំ ដើម្បីជួសជុលវានោះទេ។ ម្ល៉ោះហើយលោកអ្នកត្រូវមានសំណង់អគារសាងសង់បានត្រឹមត្រូវ មានប្រព័ន្ធសុវត្ថិភាពសម្រួលដល់បុគ្គលិក និង សកម្មភាពអាជីវកម្មទាំងមូល។
២) គិតគូរពីសេណារីយ៉ូដែលមានសក្ដានុពលជាច្រើន៖ មានសេណារីយ៉ូជាច្រើនដែលកើតមាននៅក្នុងក្រុមហ៊ុនរបស់លោកអ្នកនោះ អាចឲ្យលោកអ្នកអាចមើលពីយថាភាពមួយចំនួននៅថ្ងៃខាងមុខ។ ហេតុដូច្នេះ ការសិក្សាស្វែងយល់ពីចំណុចខ្សោយក្នុងកិច្ចការអាជីវកម្មឲ្យបាន កាន់តែច្រើននេះហើយដែលបញ្ចៀសបញ្ហាឥតគ្រោងទុកមុនបាន។
៣) កសាងក្រុមការងារដ៏រឹងមាំពិភាក្សាលើបញ្ហានៅក្នុងក្រុមហ៊ុន៖ បង្កើតក្រុមការងារសម្រាប់សិក្សាស្វែងយល់ពីបញ្ហានានារបស់ ក្រុមហ៊ុន គឺជាកូនសោដ៏សំខាន់អាចទម្លុះទម្លាយបញ្ហាចំពោះមុខនានា ឬ ហេតុការណ៍ដែលអាចនឹងកើតមាន។ ការប្រមូលទិន្នន័យ និង សេណារីយូជាច្រើនពីប្រព័ន្ធបច្ចេកវិទ្យាពាក់ព័ន្ធទៅនឹងបញ្ហា ឬ លទ្ធផលការងារក្តី ស្ថានភាពទូទៅបុគ្គលិកក្តី ស្ថាប័នទាំងមូលក្តី គឺជាដំណោះស្រាយដ៏សមប្រកបមួយ៕
